Allrounder / in für is Büro (50-80 %)

Recycling isch wichtiger denn je

Zäme mit eus chönntisch DU en grosse Biitrag leischte.

Mer sammlet leeri Toner und Tinte i de ganze Schwiiz i und sorget defür, dass die em Recycling-Chreislauf zuegfüehrt werdet.

Es erwartet DICH es jungs und dynamischs Team, wo leischtigsoreintiert i Zuekunft luegt.
Es familiärs Umfäld söll eus hälfe zäme eusi Ziel z’ereiche.

Wenn au Du gern Din Biitrag a d’Umwelt wettisch leischte, denn bewirb Dich und wird en Teil vo eusem chline Team.

Ab sofort sueche mer als Verstärchig:

Dini Ufgabe:

• Aktuelli Ufträg usesueche und bi de korrekte Toure ablegge
• Rückmeldige vo erledigte Ufträg i eusem Programm (dfakt) erfasse
• Telefonischi Avisierig vo de vorbereitete Toure für de nögscht Arbeitstag
• Chunde per Mail / Telefon über Verspätige informiere
• Diversi Arbeite wo bi Eus im Büro afalled
• Wöchentlichi Ablag vo de erledigte Ufträg
• Kafi-Egge uf Kurs halte und Kafimaschine täglich putze

Was Du mitbringsch:

• sehr gueti Dütschkenntniss in Wort und Schrift
• Schwiizerdütsch wird problemlos verstande
• Offeheit gägenüber vielsiitige Ufgabe
• Freud am Chundekontak, will Du sehr viel am Telefon wirsch si
• Erfahrig bim Schaffe am PC (z.B. 10-Finger-System)
• Exakti und sogfältigi Arbeite sind voll Dis Ding
• Gspass am Schaffe imene chline, kuule und usgflippte Team

Was mer Der bietet:

• Attraktivi Vergüetig und Benefits
• Gratisparkplatz, wobi mer au mit ÖV sehr guet erreichbar sind
• Vielsiitigi Ufgabe, wo jede Tag echli andresch chönnt si
• Es motivierts, engagierts und kuuls Team

Wenn Du Dich in dere Ufgab gsehsch, denn bewirb Di doch gern bi Eus. Mer würdet eus freue!